Асака автомобиль заводида ёнғин юз бергани ҳақидаги хабарлар ростми?
Бугун тунда ижтимоий тармоқлардаги саҳифаларда Андижон вилоятидаги Асака автомобиль заводида ёнғин юзага келгани ҳақида хабарлар тарқалди.
Мазкур хабарлар юзасидан компания қуйидагиларни маълум қилади:
"Бугун тунги соат 01:00 ларда Андижон шаҳри Сой кўчасида жойлашган “Андижонмаш” корхонаси ҳудудида жойлашган текстиль корхонасининг том қисмида ёнғин юз берган. Ёнғин сабаблари бизга маълум эмас.
Асака автомобиль заводи ҳудудида ҳеч қандай ёнғин юз бермаганини расман маълум қиламиз", дейилган компания хабарида.
