БААнинг Emirates Airline авиакомпанияси Рамазон ойида парвозлар вақтида хурмо тарқатади
Бирлашган Араб Амирликларининг миллий авиакомпанияси ҳисобланувчи Emirates Airline Рамазон ойида йўловчилар оғиз очишлари учун хурмо тарқатади.
Бу ҳақда azon.uz хабар бераяпти.
Авиакомпания ҳаммаси бўлиб 1 миллионта хурмо тарқатишни режалаштирган.
Парвоз асносида ифтор вақти бўлганини аниқлаш учун махсус иловадан фойдаланилади. Самолёт учувчилари оғиз очиш вақти келгани ҳақида йўловчиларга маълумот беради.
Бундан ташқари, Рамазон ҳайитида йўловчиларга ширинлик тарқатилади.
