Дунё харитаси турли мамлакатларда турича кўринишга эга(ми?)
Ҳа, турли мамлакатлардаги дунё харитаси ҳар хил кўринишга эга экан. Африка, Америка, Австралия ва Европа қитъалардаги мактаб ўқувчилари географияни сайёрадаги "қўшнилари"га қараганда бутунлай бошқача ўрганишади. Дунё харитаси аслида қандай кўринишга эга ва турли тасвирларда маълумотлар қанчалик «бузиб» кўрсатилган?
Европа ва Африкадаги жаҳон харитаси
Европа дунё харитаси, худди Африкада бўлгани каби, Евроосиё материгининг ўрта қисмида жойлашган. Бу хаританинг ўртасида Европа жойлаштирилган, вертикаль тиқ чизиқ Лондон бўйлаб ўтади, Антарктида эса кесилган шаклда тасвирланган.
Мисол учун, постсовет ҳудудидаги дунё харитаси, хусусан, Украина, Россия, Беларусь ва илгари СССР таркибига кирган бошқа мамлакатларнинг кўриниши бошқача. Марказда Африка ва Евроосиё, вертикал чизиқ эса Москва бўйлаб ўтади, Шимолий ва Жанубий Америка чапда, Аляска ва Канада юқори ўнгда, Австралия ва Антарктида эса пастдажойлашган.
Америка дарсликларида дунё харитаси қандай кўрсатилган?
АҚШда дунё харитаси қандай кўринишга эга эканлигини кам одам кўрган, лекин агар сиз уни яхшилаб кузатсангиз, Америка Қўшма Штатлари харита марказида жойлаштирилганлиги, Австралиянинг ўлчами бузиб кўрсатилганлиги сабабли давлат аслидагисидан анча кичик қилиб кўриниши, Гренландия эса аксинча, жуда катта эканлигини кўришингиз мумкин.
Канада ва Чилидаги болалар ҳам АҚШдаги мактаб ўқувчилари билан бир хил тасвирни кўришади.
Австралияда дунё харитаси қандай кўринишга эга?
Австралияликларнинг дунё харитаси бошқа қитъалардаги одамларни ҳайратда қолдиради. Улар уни тескари қилиб қўйишган ва бу ҳақиқат. Антарктида тепада туради, Россия Канада каби улкан, Америка бу икки давлат билан солиштирганда жуда кичкина кўринади ва бундан ташқари, иккига бўлинган, харита маркази Австралия ёки Тинч океанида жойлашган.
Шундай бўлса-да, Австралияда доимий яшовчиодамлар бундай харита фақат эсдалик сифатида яратилганини айтишади.
Баҳора Муҳаммадиева тайёрлади.
