Энди ўқувчилар телефондаги ўйинларни эмас, спорт ўйинларини ўйнайди

Самарқанд туманидаги 1-умумий ўрта таълим мактабининг спорт зали таъмирланиб, замонавий кўринишга келтирилди.

Ҳудудда баскетбол, волейбол ҳамда қўл тўпига мўлжалланган спорт майдончаси ҳам барпо этилди.
Спорт майдончаси мактаб, маҳалла ва жамоатчилик вакиллари ҳамкорлигида қурилган бўлиб, яқинда маҳаллада сунъий қопламали футбол майдончаси ҳам фойдаланишга топширилиши режалаштирилган.
Футбол майдончаси ишга тушса, футбол тўгараги очиб, мактабимиз ўқувчиларидан иборат ўғил-қизлар футбол жамоасини ташкил қиламиз. Бу борада вилоятдаги “Динамо” футбол мактаби билан ҳамкорликда иқтидорли спортчиларни саралаб оламиз.

Садоқат Дўстиёрова,
Самарқанд туманидаги 1-умумий ўрта таълим мактаби ўкитувчиси.