Иштихонда янги боғча фойдаланишга топширилди
Бугун туманнинг Ғафур Ғулом маҳалласида тадбиркор Ихтиёр Бахтиёров ташаббуси билан ташкил қилинган “Келажак” номли давлат-хусусий шерикчилик асосидаги МТТнинг очилиш маросими бўлиб ўтди.
Мазкур МТТнинг қурилишига 2 миллиард 463 миллион сўм миқдорида пул сарфланган бўлиб, бинода болалар учун барча шароитлар яратилган.
МТТ 100 ўринга мўлжалланган бўлиб, унинг фойдаланишга топширилиши натижасида маҳаллада 3, 7 ёшли болаларни боғчага қамраб олиш 90 фоиздан ошади.
Иштихон тумани ҳокимлиги ахборот хизмати.
