Kelasi yilning 1 aprelidan boshlab Myunxenga aviaqatnovlar yo‘lga qo‘yiladi
Uzbekistan Airways 2020 yil 1 apreldan Myunxenga qatnovlarni amalga oshira boshlaydi. Bu haqda kompaniya matbuot xizmati xabar beradi.
Xabarga ko‘ra, qatnovlar har haftaning chorshanba va yakshanba kunlari amalga oshiriladi.
Toshkent-Myunxen-Toshkent yo‘nalishi bo‘yicha aviachiptalar sotuvi 19 sentyabrdan boshlanadi. Mazkur yo‘nalish (borish-qaytish) bo‘yicha ekonom-klass aviachiptalari narxi 520 yevrodan boshlanadi.
