Марҳум журналист Давлатназар Рўзметовнинг оиласига ёрдам кўрсатилди
Кеча, 13 ноябрь куни Агентликда ўтказилган матбуот анжуманида марҳум журналист Давлатназар Рўзметовнинг профессионал фаолияти, камтарона ва хокисор ҳаёти ёдга олиб ўтилган эди. Агентлик раҳбари Комил Алламжонов марҳумнинг оиласига моддий ёрдам кўрсатиш масаласида ташаббус билдирганди.
Бугун Агентлик ходимлари айни шу масала бўйича Хоразм вилоятида бўлди. Давлатназар Рўзметовнинг оила аъзоларига Агентлик томонидан ўқув қуроллари, бадиий адабиётлар ҳамда молиявий маблағ тақдим этилди.
