Нурободда «Касаба уюшмаси кубоги» ғолиблари аниқланди

Нуробод туманида «Беш ташаббус олимпиадаси» доирасида «Соғлам танда – сифатли таълим» шиори остида ўтказилаётган «Касаба уюшмалар кубоги» спорт мусабоқасининг туман босқичи бўлиб ўтди.

Унда мини футбол бўйича биринчи ўринни тумандаги 3-мактаб жамоаси эгаллади. Волейбол баҳсларида 34-мактаб хотин-қиз ўқитувчилари жамоасига тенг келапдигани топилмади.

Стол тенниси бўйича аёллар турида биринчи ўринни 10-мактаб ўқитувчиси Н.Бекқулова, эркаклар ўртасида 46-мактаб ўқитувчиси Б.Сотиболдиев, шахмат бўйича ўтган баҳсларда эркаклар ўртасида 13-мактаб ўқитувчиси Т.Шарипов, аёллар ўртасида 10-мактаб ўқитувчиси Н.Бекқулова биринчи ўринни эгаллади.

Ғолибларга таълим ва фан ходимлари касаба уюшмаси Нуробод тумани кенгашининг кубоги, биринчи даражали медаллари ва эсталик совғалари берилди.