Олимпия медаллари ва санъат
Одатда олимпия ўйинларини фақат оммавий спорт томошалари деб биламиз. Улардаги энг «бадиий» деб аташ мумкин бўлган нарса - бу гимнастика мусобақалари деб ўйлашга одатланганмиз.
Бироқ, ХХ асрнинг ўрталарида, 1912 йилдан 1948 йилгача Олимпия ўйинларида санъат бўйича мусобақалар ҳам ўтказилиб келинган. Бу замонавий Олимпия ўйинлари асосчиси Пьер де Кубертеннинг талабларидан бири бўлиб, бунда у ақлий ва жисмоний саломатликни мустаҳкамлаш идеалини кўрган. Эътиборли жиҳати мусобақадаги ишлар билвосита спорт билан боғлиқ бўлиши керак эди. Медаллар йўналишига қараб архитектура ва шаҳарсозлик, адабиёт, рангтасвир ва графика, ҳайкалтарошлик ва мусиқа бўйича турли соҳаларда берилган.
