Оқдарёда давлат кадастрлар палатаси туман филиали ходими қўлга олинди

Вилоят ИИБ хабарига кўра, бошқарма ходимлари томонидан Оқдарё туманида тезкор тадбир ўтказилган.

Маълум бўлишича, давлат кадастрлар палатаси Оқдарё туман филиали ходими Т.Д. фуқародан у томонидан сотиб олинаётган Оқдарё тумани Пахтабод маҳалласида жойлашган турар-жой тоифасидаги 0,30 гектар ер майдонини нотурар тоифага ўтказиш ҳамда келгусида унинг номига кадастр ҳужжатларини расмийлаштириб бериш эвазига 19 миллион сўм пул талаб қилган. Филиал биносидаги ўз хизмат хонаисда  12,5 миллион сўм кимёвий ишлов берилган пулларини фирибгарлик йўли билан қўлга киритган вақтда ашёвий далиллар билан ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.