Пара эшкак эшиш бўйича вилоят биринчилиги ўтказилди
Самарқанд шаҳридаги эшкак эшиш спорт турларига ихтисослаштирилган олимпия захиралари спорт мактабида пара эшкак эшиш бўйича вилоят биринчилиги баҳслари бўлиб ўтди.
Юртимизда илк маротаба ташкил этилаётган бу йўналишдаги мусобақада 20 нафар ҳаваскор ва профессионал спортчи иштирок этди.
Ўғил болалар ўртасидаги беллашувда ПР2 йўналишида 1-ўринни Л.Соҳибов, ПР3 йўналишида эса О.Наимов қўлга киритди. Қизлар ўртасидаги баҳсда Ш.Сатторова ғолиб бўлди.
Ғолиблар чемпионатнинг республика босқичида иштирок этишади.
