Париж марказида кучли портлаш ва ёнғин оқибатида қарийб 40 киши жароҳат олган
Ҳодиса Франция пойтахтининг бешинчи округи, Люксембург боғлари ва Пантеондан унча узоқ бўлмаган Сен-Жак кўчасида содир бўлган.
Хабар қилинишича, вайроналар остида одамлар қолган.
Ёнғин сабаблари сифатида Париж прокуратураси хавфсизлик қоидаларининг бузилиши ва “шахсларнинг бепарволиги” кўрсатилмоқда. Олдинроқ газ сизиб чиқиши сабаб бўлган деган тахмин ҳам илгари сурилган.
Франция президенти Эммануэль Макрон портлашда жароҳатланган парижликларни қўллаб-қувватлашини билдирган.
