Путин хорижий давлатлар раҳбарларига Россия давлат мукофотларини топширади

Бугун – 24 июнь куни Россия Федерацияси пойтахти Москва шаҳрида Иккинчи жаҳон урушидаги ғалабанинг 75 йиллиги муносабати билан ҳарбий парад ўтказилади.

Мазкур тадбирда иштирок этиш учун бир қатор давлатлар раҳбарлари Москвага борган. Жумладан, Ўзбекистон Республикаси Президенти Шавкат Мирзиёев ҳам айни пайтда амалий ташриф билан Россияда бўлиб турибди.

Кеча Ўзбекистон ва Россия Президентларининг учрашувида Владимир Путин Ғалабанинг 75 йиллигига бағишланган тадбирларда иштирок этиш учун Москвага келган Шавкат Мирзиёевга миннатдорлик билдирди.

Шунингдек, бугун Россия Президенти сана муносабати билан бир қатор хорижий давлатлар раҳбарларини мукофотлаши кўзда тутилган.