Putin xorijiy davlatlar rahbarlariga Rossiya davlat mukofotlarini topshiradi
Bugun – 24 iyun kuni Rossiya Federatsiyasi poytaxti Moskva shahrida Ikkinchi jahon urushidagi g‘alabaning 75 yilligi munosabati bilan harbiy parad o‘tkaziladi.
Mazkur tadbirda ishtirok etish uchun bir qator davlatlar rahbarlari Moskvaga borgan. Jumladan, O‘zbekiston Respublikasi Prezidenti Shavkat Mirziyoyev ham ayni paytda amaliy tashrif bilan Rossiyada bo‘lib turibdi.
Kecha O‘zbekiston va Rossiya Prezidentlarining uchrashuvida Vladimir Putin G‘alabaning 75 yilligiga bag‘ishlangan tadbirlarda ishtirok etish uchun Moskvaga kelgan Shavkat Mirziyoyevga minnatdorlik bildirdi.
Shuningdek, bugun Rossiya Prezidenti sana munosabati bilan bir qator xorijiy davlatlar rahbarlarini mukofotlashi ko‘zda tutilgan.
