Қирғизистонда давлат тилидан оммавий диктант жорий этилди
Бу ҳақда таълим ва фан вазири Қанибек Иманалиевга асосланиб, “24.kg” агентлиги хабар берган.
Агентлик маълумотларига кўра, ҳамма, жумладан, мансабдор шахслар ҳам қирғиз тилида диктант ёзиши шарт бўлади. Иманалиев бир йилда тўрт марта диктант ўтказишни таклиф қилади. Агентликнинг аниқлик киритишича, тегишли буйруқ ҳали имзоланмаган.
23 август куни “24.кг” ахборот агентлиги Давлат тили ва тил сиёсати миллий комиссияси раиси ўринбосари Йилдиз Орозобековага таяниб, Қирғизистонда мактаб ўқувчилари кейинги синфга ўтишда қирғиз тилидан имтиҳон топширишлари ҳақида хабар берган.
