Республика музейлари фондида Ўзбекистон тарихи билан боғлиқ 2,5 млн.дан зиёд ноёб ашё ва коллекция сақланади

Жорий йилнинг 25-26 май кунлари Самарқанд шаҳрида Маданий мерос агентлиги ва Самарқанд вилояти ҳокимлиги ҳамкорлигида “Музейшунослик ва археология тадқиқотлари: долзарб муаммолар ва замонавий ечимлар” халқаро форуми бўлиб ўтади.

Ҳозирги кунга қадар Миллий музей фондининг давлат каталогига давлат музей ва музей-қўриқхона ҳамда уй-музейларидан жами 1,2 млн.га яқин музей ашёлари киритилган.

“Миллий меросга менинг ҳиссам!” акцияси доирасида бугунги кунга қадар аҳолидан жами 3 811 та ашё ва буюмлар тўпланган. Шундан, 3 400 та ашё ва буюмлар аҳоли томонидан музейларга беғараз топширилган.

Эслатиб ўтамиз, давлат музейларида ҳар ойнинг биринчи якшанбаси “Очиқ эшиклар куни” деб эълон қилинган ва келувчиларга бепул этиб белгиланган.