Римдаги Жуззеппе Туччи номидаги Миллий шарқ музей санъатида Бухоро амирининг олтин коллекцияси топилди

Бу ҳақда Самарқанд шаҳрида ўтказилаётган "Ўзбекистон маданий мероси - янги уйғониш пойдевори" VI халқаро конгрессидаги нутқида Рим музейи вакили Паола Д'Аморе айтиб ўтди.

Музейда ўзбек коллекциясининг ноёб экспонатларидан ташқари Афғонистон, Покистон, Эрон, Марказий Осиё, Ҳиндистон, Тибет ва Непал заргарлик буюмлари ҳам мавжуд.

Шунингдек, музей коллекциясидан кушонлар даврига оид маржонлар, узуклар, билакузуклар, сирғалар ва тилла қуймалар ўрин олган. Баъзи қуймалар Хароштҳа ёзувида ўйилган. Ўзбекистондан келтирилган заргарлик буюмлари коллекциясида кумушдан ясалган тиллақош, марварид, маржонлар, узуклар, бурун учун тилла безакларни кўриш мумкин.

Муниса Шамсиева.