Rimdagi Juzzeppe Tuchchi nomidagi Milliy sharq muzey san’atida Buxoro amirining oltin kolleksiyasi topildi
Bu haqda Samarqand shahrida o‘tkazilayotgan "O‘zbekiston madaniy merosi - yangi uyg‘onish poydevori" VI xalqaro kongressidagi nutqida Rim muzeyi vakili Paola D’Amore aytib o‘tdi.
Muzeyda o‘zbek kolleksiyasining noyob eksponatlaridan tashqari Afg‘oniston, Pokiston, Eron, Markaziy Osiyo, Hindiston, Tibet va Nepal zargarlik buyumlari ham mavjud.
Shuningdek, muzey kolleksiyasidan kushonlar davriga oid marjonlar, uzuklar, bilakuzuklar, sirg‘alar va tilla quymalar o‘rin olgan. Ba’zi quymalar Xaroshtha yozuvida o‘yilgan. O‘zbekistondan keltirilgan zargarlik buyumlari kolleksiyasida kumushdan yasalgan tillaqosh, marvarid, marjonlar, uzuklar, burun uchun tilla bezaklarni ko‘rish mumkin.
Munisa Shamsiyeva.
