Samarqand shahrida bog‘chaga qamrov 80 foizga yetkaziladi

Bu haqda Samarqand shahar hokimi vazifasini bajaruvchi B.Obloqulov «Ochiq muloqot» ko‘rsatuvi davomida aytib o‘tdi.

Shaharda 2018 yilda 2 ta bog‘cha rekonstruksiya qilinib, 3 tasi mukammal, 26 tasi joriy ta’mirlangan, yangi 18 ta xususiy nodavlat maktabgacha ta’lim muassasalari ish boshlagan.

Joriy yilning o‘tgan davrida esa 2 ta nodavlat hamda 16 ta oilaviy bog‘chalar tashkil etilgan.

Yil yakunigacha yana 2 ta yangi MTM qurish, 2 ta MTMni rekonstruksiya qilish, 28 ta nodavlat hamda 34 ta oilaviy MTMlarni tashkil etish rejalashtirilgan. Natijada maktabgacha ta’lim muassasalarga bolajonlarning qamrovi 80 foizga yetadi.