Самарқанддаги махсус мактаб-интернат ўқувчиларининг 20 нафари III чорак таҳсилини яшаш манзилидаги мактабда давом эттиради
Самарқанд шаҳридаги 64-махсус мактаб-интернати директори А.Мелиевнинг маълум қилишича, муассаса ўқувчиларининг 13 нафарига белгиланган муддат тугагани ҳамда яна 7 нафарининг таълим-тарбияси ижобий томонга ўзгаргани учун уларга ўз яшаш манзилларига қайтишга рухсат берилган.
Энди улар ўқишни ўша ердаги таълим масканларида давом эттиришади.
– Бу ўқувчиларимизни муассасамизнинг масъул ходимлари уйларига олиб бориб, ота-оналари ва яқинларига топшириб, ўша ердаги мактабга жойлаштириб келишади – дейди А.Мелиев. – Мен ўзим ҳам Фарғона водийси вилоятларида яшайдиган тўрт нафар ўқувчимизни ўз яшаш манзилларига олиб боряпман.
