Samarqanddagi maxsus maktab-internat o‘quvchilarining 20 nafari III chorak tahsilini yashash manzilidagi maktabda davom ettiradi

Samarqand shahridagi 64-maxsus maktab-internati direktori A.Meliyevning ma’lum qilishicha, muassasa o‘quvchilarining 13 nafariga belgilangan muddat tugagani hamda yana 7 nafarining ta’lim-tarbiyasi ijobiy tomonga o‘zgargani uchun ularga o‘z yashash manzillariga qaytishga ruxsat berilgan.

Endi ular o‘qishni o‘sha yerdagi ta’lim maskanlarida davom ettirishadi.

– Bu o‘quvchilarimizni muassasamizning mas’ul xodimlari uylariga olib borib, ota-onalari va yaqinlariga topshirib, o‘sha yerdagi maktabga joylashtirib kelishadi – deydi A.Meliyev. – Men o‘zim ham Farg‘ona vodiysi viloyatlarida yashaydigan to‘rt nafar o‘quvchimizni o‘z yashash manzillariga olib boryapman.