Самарқанд–Тошкент йўналишида ҳаракатланаётган «Афросиёб» йўловчи поезди ҳаракат вақтида тўхтаб қолган
«Ўзбекистон темир йўллари» хабарига кўра, ҳолат кеча, 30 май куни кузатилган.
Шу куни юқори тезликда ҳаракатланаётган мазкур поезд 17:40 да Жиззах–Зарбдор перегонида тўхтаб қолган. Бунга борт тизимида носозлик юзага келгани сабаб бўлган.
Носозлик 18:30 да бартараф этилгач, йўловчи поезди ўз ҳаракатини давом эттирган.
«Йўловчилардан узр сўраб, тўғри тушунишларини сўраб қоламиз», – дейилади хабарда.
