СамДЧТИ профессор-ўқитувчилари иштирокида инглиз тилидан телевизион дарслар бошланди

Самарқанд давлат чет тиллар институти ва "Самарқанд" телеканали ҳамкорлигида янги лойиҳа амалга оширилмоқда.

Институт профессор-ўқитувчилари инглиз тилини ўрганишни хоҳловчи барча ёшдагилар учун мўлжалланган “Инглиз тилини бошланғич даражада ўрганувчилар учун” теледарсини олиб бормоқда.

Теледарсларни сифатли ташкил этиш мақсадида унга институтнинг кўп йиллик илмий-педагогик тажрибага эга, етакчи хорижий олий таълим муассасаларида малака оширган ҳамда тил ўргатиш бўйича илғор тажрибалардан хабардор профессор-ўқитувчилар жалб этилган.

Теледарслар ҳар куни “Самарқанд” телеканалида соат 17:40 да эфирга узатилмоқда.

Курсда олиб борилаётган видеодарслар билан институтнинг телеграм канали ва веб-сайтида танишиш мумкин.

Асилбек АБДУРАИМОВ.