Суднинг қарори, МИБнинг ижроси билан қизалоқ онаси бағрига қайтарилди

Фуқаролик ишлари бўйича Жомбой туманлараро судининг ижро варақасига асосан жавобгар Ҳ.Б.дан даъвогар Д.Б фойдасига бир нафар фарзандини олиб бериш белгиланган.

Улар муқаддам орзу-умидлар билан оила қурган. Ўтган вақт мобайнида оилада бир нафар фарзанд дунёга келган. Шундай улуғ неъматга шукрона келтириш, фарзандининг комил инсон этиб тарбиялаш ота-онанинг бурчи эди. Бироқ эр-хотиннинг келишмовчилиги туфайли оила пароканда бўлди. Фарзанд эса ора йўлда қолди. Унинг тарбияси, саломатлигига ким қайғуради?

Шундай вазиятда она судга мурожаат қилди. Фуқаролик ишлари бўйича Жомбой туманлараро суди 2017 йилда туғилган З.Ҳ.ни онасининг тарбиясига олиб беришга қарор қилди. Давлат ижрочиси томонидан фарзанд онаси тарбиясига олиб берилди.

Рустам Алибоев,

МИБ Булунғур тумани бўлими давлат ижрочиси.