Тойлоқ туманида аёл босқинчи томонидан жароҳатланди
2019 йил 18 январь куни юзига ниқоб ва қўлига қўлқоп кийиб, пичоқ билан қуролланган номаълум шахс Самарқанд вилоятининг Тойлоқ туманида яшовчи С.Қ. (исмли аёл)нинг уйига бостириб кириб, пичоқ билан қўрқитиб, пул талаб қилган. Босқинчи 815 000 сўм пулларини олиб кетаётганида С.Қ.ни пичоқ билан жароҳатлаб, воқеа жойидан яширинган.
Ҳолат юзасидан жиноят иши қўзғатилган. Кўрилган чоралар натижасида ушбу жиноятни Янгиқишлоқ қишлоғи Боғизағон маҳалласида яшовчи Ж.Қ. содир этганлиги аниқланди. Тергов ҳаракатлари давом этмоқда.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
