Трамп ал-Боғдодийни йўқ қилишда иштирок этган махсус хизмат кучлари вакилларини мукофотлади

АҚШ президенти Дональд Трамп ал-Боғдодийни йўқ қилиш операциясида иштирок этган махсус хизмат кучлари вакиллари билан учрашув ўтказди. Бу ҳақда 30 октябрь куни Радио Sputnik нашри хабар берди.

Учрашув Шимолий Каролинадаги Форт-Брэгг ҳарбий базасида бўлиб ўтди. Америка етакчиси махсус хизмат жангчиларига нишонларни топширди ва махсус операция чоғида қурбон бўлган жангчилар мемориалига ташриф буюрди.

Абу Бакр ал-Боғдодий ўтган йили октябрь ойида Яқин Шарқда ўтказилган махсус операция чоғида йўқ қилинган эди.

Трампнинг сўзларига кўра, Америка ҳарбийлари томонидан уюштирилган операция вақтида террорчи ўз жонига қасд қилиш камарини портлатган. Шунга қарамасдан, ал-Боғдодий “тез ва аниқ нишонга олинган”.