Tramp al-Bog‘dodiyni yo‘q qilishda ishtirok etgan maxsus xizmat kuchlari vakillarini mukofotladi

AQSh prezidenti Donald Tramp al-Bog‘dodiyni yo‘q qilish operatsiyasida ishtirok etgan maxsus xizmat kuchlari vakillari bilan uchrashuv o‘tkazdi. Bu haqda 30 oktyabr kuni Radio Sputnik nashri xabar berdi.

Uchrashuv Shimoliy Karolinadagi Fort-Bregg harbiy bazasida bo‘lib o‘tdi. Amerika yetakchisi maxsus xizmat jangchilariga nishonlarni topshirdi va maxsus operatsiya chog‘ida qurbon bo‘lgan jangchilar memorialiga tashrif buyurdi.

Abu Bakr al-Bog‘dodiy o‘tgan yili oktyabr oyida Yaqin Sharqda o‘tkazilgan maxsus operatsiya chog‘ida yo‘q qilingan edi.

Trampning so‘zlariga ko‘ra, Amerika harbiylari tomonidan uyushtirilgan operatsiya vaqtida terrorchi o‘z joniga qasd qilish kamarini portlatgan. Shunga qaramasdan, al-Bog‘dodiy “tez va aniq nishonga olingan”.