Трамп Ғазода ўт очишни тўхтатишни эълон қилмоқчи
Исроил матбуоти АҚШ президенти Доналд Трамп 7 июль, душанба куни Исроил бош вазири Бинямин Нетаняху билан учрашувда Ғазо секторида ўт очишни тўхтатишни эълон қилишини хабар қилди.
Исроилнинг «Yedioth Ahronoth» газетаси Исроил расмийлари маълумотларига асосланиб, Исроил ҲАМАС билан ўт очишни тўхтатиш тафсилотлари бўйича музокаралар олиб боришга тайёрланмоқда. Исроил расмийларининг таъкидлашича, АҚШ президенти Трамп ҳам "Нетаняху билан учрашувда Ғазода ўт очишни тўхтатиш ва асирлар алмашинуви бўйича келишувга эришилганини эълон қилиш ниятида".
Хабарда айтилишича, ҲАМАС бу таклифга рози бўлиши ҳақида сигналлар берган, келишув масаласида олдинга силжиш айтилаётган бўлса-да, фаластинлик маҳбусларни озод қилиш ва бошқа масалалар юзасидан музокараларнинг қийин жараёни кутилмоқда.
Таъкидланишича, Исроил ҲАМАСнинг жавобидан сўнг музокараларни бошлашга тайёргарлик кўрмоқда, Трамп эса келишувга эришиш учун Қатар орқали ҲАМАСга босим ўтказаётгани айтилмоқда.
