Туркияда катта газ конининг топилиши Россияни экспорт бозоридан маҳрум қилиши мумкин
Қора денгизнинг Туркияга қарашли ҳудудида мамлакат тарихида энг катта табиий газ кони аниқланди.
Президент Ражаб Тоййиб Эрдўғаннинг айтишича, ҳукумат ушбу газни нафақат ўз фуқароларига етказиб беришни, балки экспорт қилишни ҳам режалаштирмоқда.
Бу хабар россиялик газчиларни саросимага солиб қўйди. Гап шундаки, Россия Ямалдан Европага тортган «Жанубий оқим» газ қувурини Болгария рад этгандан кейин уни «Турк оқими» номи билан атаб Туркия бозорига берган эди. Энди эса Туркиянинг ўз газига эга бўлиши Россияни экспорт бозоридан маҳрум қилиши мумкин.
«Мир новостей (2020 35-сон) ҳафтаномасидан Т.МУРОД тайёрлади.
