Ҳар қандай сценарийга тайёр Туркия Исроил тажовузини тўхтата оладими?
Кеча Вазирлар Маҳкамаси йиғилишидан сўнг Туркия Президент Ражаб Тоййиб Эрдўғон баёнот билан чиққан.
У Исроил ва Эрон ўртасидаги можарога тўхталиб, “Эроннинг ядровий иншоотларига зарба бериш баҳонасида амалга оширилган ҳужум аслида жуда кенг қамровли ва маккор мақсадларга эга эканлиги кундан-кунга ойдинлашмоқда” деган.
Эрдўғон бошиданоқ Эрон ядровий дастури муҳокамаси бугун бир хил столда ўтказилиши кераклигини таъкидлаган.
Туркиянинг можаролар бўйича позициясига тўхталиб, Анқара ҳар қандай вазиятни музокаралар столида ҳал этиш тарафдори эканини билдирган.
Бошқа томондан, Туркия ҳар қандай сценарийга тайёр.
Жумладан, мамлакат учувчисиз ҳаво воситалари соҳасида дунё етакчиларидан бирига айланган. Ер зирҳли транспорт воситалари соҳасида эса глобал брендга эга. Ракеталар, радарлар, денгиз қуроллари ва алоқа тизимлари ишлаб чиқилган ва ишлаб чиқарилмоқда.
Туркияни сиёсий ва ижтимоий қутбланиши учун қилинаётган ҳаракатларга тўхталган Туркия етакчиси “барча ўзгаришларни давлатчилик ва чуқур тажриба билан идрок қиламиз, уларни оқилона ва босиқлик билан баҳолаймиз ҳамда 86 миллион аҳолининг хавфсизлиги ва тинчлигини таъминлаш учун барча зарур чораларни кўрамиз”, деган.
Исроил тажовузини тўхтатиш бўйича қизғин дипломатик иш олиб борилаётганини, бунинг учун АҚШ, Россия, Эрон, Миср, Саудия Арабистони ва Покистон етакчилари билан музокара олиб борганини айтган Эрдўған “Биз бошқалар каби оловга бензин қўшишга ҳаракат қилмаяпмиз, ёнғин янада кенгаймасдан тезроқ ўчиришга ҳаракат қилмоқдамиз”, деган.
