Украина НАТОга автоматик равишда аъзо бўлиш мумкин. ҲАМАС гаровга олинган тўрт кишининг жасадини топширди. Microsoft бир кашфиёт устида 20 йил ишлади ва инқилоб қилди.
🔹 Агар Россия тинчлик шартномасини бузса, Украинага хавфсизлик кафолати сифатида НАТОга автоматик равишда аъзо бўлиш таклиф қилиниши мумкин. НАТОга автоматик равишда қўшилиш ҳақидаги банд Киев ва унинг европалик иттифоқчиларининг Россия ўт очишни тўхтатиш вақтида ўз кучини йиғиб, Украинага яна бостириб кириши мумкин, деган асосий қўрқувига жавоб бўлади.
🔹 ҲАМАС асирликда ҳалок бўлган тўрт нафар гаровга олинган, жумладан 2 бола жасадини Халқаро Қизил Хоч қўмитасига топширди. Қизил Хоч тобутларни қабул қилиб, Ғазо секторидаги Исроил мудофаа армияси ва Шин Бет расмийларига юборган.
🔹 Оқ уй кузатувсиз вояга етмаган муҳожирларга ҳуқуқий ёрдам иммиграция дастурини тугатди. Қарор иммиграция судида ўзини ҳимоя қилиши керак бўлган 26 мингга яқин болага тааллуқлидир.
🔹 Эрон АҚШ президенти Доналд Трампнинг таҳдидларига қарамай, тинч ядровий дастурини ривожлантиришда давом этади. Бу ҳақда Эрон ташқи ишлар вазири ўринбосари Мажид Тахт-Равончи маълум қилди.
🔹 Украина қуролли кучлари Россиянинг Брянск вилоятига йирик ҳужум уюштиришни режалаштирмоқда. Украина қўмондонлиги шу йўл билан Россия ва АҚШ ўртасидаги музокараларнинг олдини олмоқчи. Ҳозирда Украина армияси Брянск вилояти билан чегарадан 50 километр узоқликда техника ва аскарларни тўпламоқда.
🔹 АҚШ ҳукумати март ойида автомобиль, ярим ўтказгич, фармацевтика маҳсулотлари ва ёғочга импорт божлари жорий этади.
🔹 Аксарият Европа етакчилари Украинанинг НАТОга киришини қўллаб-қувватламоқда. Бироқ бунга қарши бўлган давлатлар ҳам бор. Украина президенти Зеленский Туркия президенти Ражаб Тоййиб Эрдўғон билан учрашувдан сўнг айтишича, Венгрия, Словакия, Германия ва АҚШ Украинанинг НАТОга қўшилишига қарши.
🔹 АҚШ президенти Доналд Трамп маъмурияти Пентагонга келгуси беш йил давомида мудофаа бюджетини ҳар йили 8 фоизга қисқартириш режасини ишлаб чиқишни буюрди. Нафақат бюджет, АҚШ позицияси маъмурият сиёсатига зид бўлган бир қатор генерал ва адмиралларни ҳам қисқартириш масаласини кўрмоқда.
🔹 Франция Миллий Ассамблеяси, парламентнинг қуйи палатаси, Франсуа Байру бошчилигида 2024 йил декабрида тузилган ҳукуматга ишончсизлик вотумининг олтинчи маротаба ўтказилишини рад этди. Резолюцияни ёқлаб 289 ўрнига 181 овоз берилган.
🔹 Трамп Зеленскийни диктатор деб атади ва уни урушдан молиявий фойда олаётганликда айблади. Доналд Трамп фикрича, Зеленский “ғалаба қилиб бўлмайдиган ва бошланмаслиги керак бўлган” урушга АҚШни 350 миллиард доллар сарфлашга “кўндирган”.
🔹 Microsoft дунёдаги биринчи юқори ўтказгичларда квант чипи яратди. Маълумки, модданинг учта ҳолати мавжуд: қаттиқ, суюқ ва газсимон. Энди янгиси қўшилди – топологик. Microsoft 20 йил давомида ушбу кашфиёт устида ишлади ва материалларнинг янги синфини - топоўтказгичларни яратди. Улар термодинамика ёки электродинамика каби анъанавий физика қонунларига бўйсунмайдиган топологик кубитларни яратишга имкон беради. Бу замонавий суперкомпьютерлар минг йилда бажариши мумкин бўлган вазифани ҳал қилишга қодир, миллион кубитли квант компьютерини яратиш имконини беради. Корпорация барча мавжуд компьютерларни бирлаштиргандан кучлироқ кафт ўлчамидаги чип устида иш олиб бормоқда.
Г.Холдорова тайёрлади.
