Хитой ҳукумати: ЖССТ Ухан лабораториясида текширув ўтказиш ҳақида ҳеч қанақа сўровнома юбормаган

“Жаҳон соғлиқни сақлаш ташкилоти Хитойга бирон бир лабораторияда текширув ўтказиш ҳақида сўровнома юбормаган. Ухандаги лабораторияни текшириш рад этилгани тўғрисидаги хабарлар ҳақиқатга тўғри келмайди”, дея таъкидлади 15 май куни ХХР соғлиқни сақлаш масалалари бўйича халқаро бўлимнинг давлат қўмитаси омбудсмени Ли Минчжу.

COVID-19 инфекцияси тарқалишни бошлагандан буён ОАВ ва интернет тармоқларида касаллик Ухан институти лабораториясида пайдо бўлган бўлиши мумкинлиги тўғрисида турли фаразлар пайдо бўлмоқда. Ўшанда институт очиқ мурожаат билан чиқиш қилди ва лаборатория атрофида тарқалаётган гап-сўзлар ёлғон эканлигини таъкидлади.