Йил бошидан коррупция билан боғлиқ 673 та жиноят ишлари аниқланган

ИИВ тизимидаги коррупция ва иқтисодий жиноятчиликка қарши кураш бошқармаси ва унинг ҳудудий бўлимлари томонидан жорий йилнинг 10 ойи давомида олиб борилган тезкор тадбирлар натижасида коррупция билан боғлиқ 673 та жиноят ишлари аниқланган.

Коррупцияга ва иқтисодий жиноятчиликка қарши кураш бошқармаси ушбу жиноятларга алоқадор 126 та гуруҳни қўлга олиб, 84 нафар шахсга нисбатан жазо тайинлаган.

Коррупция билан боғлиқ жиноятларнинг 85 таси порахўрлик, 51 таси товламачилик ва 311 таси фирибгарлик жиноятини ташкил этади.

Коррупцион жиноятлар асосан ижтимоий соҳада, ҳокимият идораларида, ўрта ва кичик бизнесда ҳамда агросаноат комплексида содир этилган.

Бу ҳақда АОКАда ўтказилган матбуот анжуманида Ички ишлар вазири ўринбосари Рустам Хотамов маълум қилди.