Зеленский ва Европа етакчилари Оқ уйга ташрифи натижалари
▪️ Доналд Трамп ва Владимир Зеленский Вашингтонда аввалига яккама-якка, сўнгра кенгайтирилган таркибда Европа етакчилари билан музокаралар ўтказди.
▪️ Трамп урушни тугатиш учун “оқилона имконият” борлигига ишонч билдирди. Унинг қайд этишича, Путин ва Зеленский можаронинг барҳам топишини, Европа етакчилари ҳам тинчликни хоҳлайди.
▪️ Хавфсизлик кафолатлари: Трамп Украинани тинч йўл билан ҳал қилиш доирасида “жуда яхши ҳимоя” билан таъминлашга ваъда берди.
▪️ Зеленский ҳудудий ён беришларга тайёрми, деган саволга жавоб бермади.
▪️ Сулҳсиз тинчлик: Трампнинг айтишича, ўт очишни тўхтатиш бир томонни қайта қуриш ва қайта тўпланиш имконини, стратегик устунликни бериши мумкин, шунинг учун иккинчи томон буни хоҳламаслиги мумкин. У мустаҳкам тинчлик устида ишлаётганини таъкидлади. Путин, эҳтимол, Аляскадаги саммит чоғида уни мағлуб этган бўлса-да, Трамп дастлаб зудлик билан ўт очишни тўхтатиш ғоясини қўллаб-қувватлаган.
▪️ Трамп Зеленский ва Путин ўртасидаги учрашувга тайёргарлик кўра бошлаганини айтди. Агар Путин ҳам, Зеленский ҳам уни ўша ерда кўришни истаса, АҚШ – Украина – Россия ўртасида уч томонлама учрашув ташкил қилиши мумкин.
▪️ Европа етакчилари уч томонлама учрашув ўтказиш ғоясини қўллаб-қувватлади ва Украина учун хавфсизлик кафолатлари муҳимлигини таъкидлади.
▪️ Трамп Зеленский ва Европа етакчилари билан учрашувдан сўнг Путинга қўнғироқ қилишни режалаштираётганини айтди. Sky News хабарига кўра, у гўёки учрашув тугашидан олдин Путинга қўнғироқ қилмоқчи бўлган.
▪️ Зеленский костюмда пайдо бўлди, буни Трамп ижобий ишора сифатида қайд этди. Трамп билан музокараларда Зеленский ҳудудларни «пропорционал алмашиш» имкониятини истисно қилмади. У бундай қадам одамларни кўчириш зарурати ва ерларни беришга конституциявий тақиқ мавжудлиги сабабли жуда мураккаб эканини таъкидлади, бироқ бу ғояни бутунлай рад этмади.
▪️ Зеленский Оқ уй ёнида брифинг ўтказди: «Бу — энг яхши учрашувимиз. Жуда кўп масалаларни батафсил муҳокама қилдик. Путин билан учрашишга тайёрман. Киев музокараларнинг ҳар қандай формати учун очиқ - лекин фақат етакчилар даражасида. Менимча, биз Путин билан ҳеч қандай шартсиз учрашишимиз керак. Агар биз аввал оташкесим талаб қила бошласак, Россия юзта бошқа шарт қўяди. Ҳудудлар масаласини биз Путин билан орамизда қолдирамиз, деди у.
Г.Холдорова тайёрлади.
