2,5 тонна пахта терган теримчига “Nexia-3” совға қилинди
Андижон вилояти ҳокими Шуҳрат Абдураҳмонов Навоий массиви, Бобур маҳалласида “Келажак садоқати” фермер хўжалигида меҳнат қилаётган пахта теримчилари билан учрашув ўтказди. Бу ҳақда Андижон вилояти ҳокимлигининг матбуот хизмати хабар қилди.
Учрашувда ҳоким теримчиларга эсдалик совғалари улашиб, энг фаол теримчилар учун кир ювиш машинаси, музлаткич ва дазмол совға қилди.
Энг илғор теримчи деб топилган Ирода Каримовага вилоят ҳокимининг совғаси – “Nexia-3” русумли автомашинаси топширилди.
Ирода Каримова йиғим-терим мавсумининг 4 кунида турмуш ўртоғи билан давлатга 2,5 тонна пахта териб топширган.
