Афғонистонда сўнгги 24 соатда 591 нафар коронавирус юқтирганлик ҳолати аниқланди
Афғонистонда коронавирус инфекцияси билан касалланиш ҳолати 11 минг нафардан ошиб кетди, улардан 219 нафари вафот этди. Бу ҳақда 25 май куни мамлакат Соғлиқни сақлаш вазирлиги маълум қилди.
Вазирлик тақдим этган маълумотга кўра, сўнгги 24 соат ичида мамлакатда 591 нафар янги коронавирус ҳолатлари аниқланган. Шу тариқа касалланганларнинг умумий сони 11 582 нафарга етди. Сўнгги кеча-кундузда бир нафар бемор вафот этган ва 22 нафар бемор тузалган. Мамлакатда коронавирус инфекциясидан тузалган беморларнинг умумий сони 1095 нафарни ташкил этмоқда.
