Андроид қурилмалар учун Zarnews.uz мобил иловаси. Юклаб олиш x

"Биз мураккаб иқтисодиётни ўлдирдик": Украиналик сиёсатшунос мамлакатдаги "ноёб" ҳолат ҳақида

Украина бугунги кунда капитал ва ишчи кучи бир вақтнинг ўзида чиқиб кетаётган ягона давлатдир, бундай фикрни украиналик сиёсатшунос Вадим Карасев "Украина-24" телеканали эфирида билдирди.

"Биз капитали ва ишчи кучи чиқиб кетаётган ягона «ноёб» давлатмиз... Мен ҳалиям демографиямиз - Европанинг энг қадимги аҳолиси ва африканча иқтисодиёт ҳақида айтмаяпман. Биз мураккаб иқтисодиётни ўлдирдик. Бизда оддий монопрофиль бу – ғалла, соя, маккажўхори. Маккажўхори чемпионлари", - деб куйинди Карасев.

Унинг фикрича, бугунги кунда мамлакатда аниқ иқтисодий доктрина мавжуд эмас ва тўлов баланси тақчиллигини қоплашнинг ягона йўли бу - аҳолининг меҳнат миграцияси ва ишчилардан келаётган «переводлар».

"Аммо муаммо шундаки, бу энди иш бермаяпти. Олдин иш берган - 2017 йилда 15 миллиард доллар, 2018 йилда ёки 2019 йилда - 12 миллиард долларни ташкил қилган эди. Ҳатто COVID даврида ҳам ишчилар Украинага 12 миллиард доллар келтиришди… Оддий украиналиклар Польша, Финляндия, Германия ва бошқаларга чиқиб кетмоқда. Ва улар ватанига қайтишмайди, чунки улар ишонишмайди", деди Карасев.

Аввалроқ Украина собиқ Иқтисодиёт вазири Виктор Суслов мамлакат ҳукумати ва Халқаро валюта жамғармаси ўртасидаги янги келишувлар унинг иқтисодиётига зарба беришини ва президент Владимир Зеленскийнинг иккинчи муддатга қайта сайланишига бўлган барча умидларини пучга чиқаришини айтганди.