Болалар омбудсмани ўғирланган мактаб ўқувчиси бўйича муносабат билдирди
Аввалроқ ОАВда мактаб ўқувчисининг бир гуруҳ шахслар томонидан ўғирлаб кетилгани ва номусига тегилгани ҳақида хабарлар тарқалганди. Республика Болалар омбудсмани ҳолат бўйича қуйидагиларни маълум қилди.
“Самарқанд вилояти Қўшработ туманида 8-синф ўқувчиси билан содир бўлган ҳолат юзасидан Болалар омбудсмани ўз ваколати доирасида кузатув олиб бормоқда.
Гумонланувчи шахсларга нисбатан ЖКнинг 119-моддаси (Жинсий эҳтиёжни зўрлик ишлатиб ғайритабиий усулда қондириш) билан жиноят иши қўзғатилган бўлиб, ҳозирда дастлабки тергов ҳаракатлари олиб борилмоқда.
Ҳозирда жиноят иши доирасида вояга етмаган қизга нисбатан тегишли суд-тиббиёт ва биологик экспертизалари тайинланган.
Бу борада қўшимча ахборот берилади”, дейилади расмий муносабатда.
