Bolalar ombudsmani o‘g‘irlangan maktab o‘quvchisi bo‘yicha munosabat bildirdi
Avvalroq OAVda maktab o‘quvchisining bir guruh shaxslar tomonidan o‘g‘irlab ketilgani va nomusiga tegilgani haqida xabarlar tarqalgandi. Respublika Bolalar ombudsmani holat bo‘yicha quyidagilarni ma’lum qildi.
“Samarqand viloyati Qo‘shrabot tumanida 8-sinf o‘quvchisi bilan sodir bo‘lgan holat yuzasidan Bolalar ombudsmani o‘z vakolati doirasida kuzatuv olib bormoqda.
Gumonlanuvchi shaxslarga nisbatan JKning 119-moddasi (Jinsiy ehtiyojni zo‘rlik ishlatib g‘ayritabiiy usulda qondirish) bilan jinoyat ishi qo‘zg‘atilgan bo‘lib, hozirda dastlabki tergov harakatlari olib borilmoqda.
Hozirda jinoyat ishi doirasida voyaga yetmagan qizga nisbatan tegishli sud-tibbiyot va biologik ekspertizalari tayinlangan.
Bu borada qo‘shimcha axborot beriladi”, deyiladi rasmiy munosabatda.
