«Бўрижар» каналидан аёл жасади топилди
Бугун, 13 февраль куни соат 7.40да Тошкент шаҳар Чилонзор тумани, «Бўрижар» каналида аёл мурдаси топилди.
Тошкент шаҳар ИИББ матбуот хизмати хабарига кўра, марҳума тахминан 45-50 ёшда бўлган. Унинг танасидан зўравонлик излари топилмаган.
Ҳодиса жойига Тошкент шаҳар Чилонзор ИИБ ва туман прокуратураси вакиллари етиб келган ва текшириш ишларини олиб бормоқда.
Ҳозирда суриштирув ишлари олиб борилмоқда.
