«Bo‘rijar» kanalidan ayol jasadi topildi
Bugun, 13 fevral kuni soat 7.40da Toshkent shahar Chilonzor tumani, «Bo‘rijar» kanalida ayol murdasi topildi.
Toshkent shahar IIBB matbuot xizmati xabariga ko‘ra, marhuma taxminan 45-50 yoshda bo‘lgan. Uning tanasidan zo‘ravonlik izlari topilmagan.
Hodisa joyiga Toshkent shahar Chilonzor IIB va tuman prokuraturasi vakillari yetib kelgan va tekshirish ishlarini olib bormoqda.
Hozirda surishtiruv ishlari olib borilmoqda.
