Бугун мобил телефони ихтиро қилинган кун
Мобил телефоннинг прототипи «Моторола» бош муҳандиси Мартин Купер томонидан 51 йил аввал яратилган.
Унинг биринчи қилган иши қурилма билан кўчага чиқиб, ўз ихтироси билан мақтаниб, рақобатчи компаниядаги танишига қўнғироқ қилиши бўлган.
Энди оғирлиги деярли бир килограмм, узунлиги 22 сантиметр, кенглиги 4 ва қалинлиги 12 сантиметр бўлган телефонни тасаввур қилаверинг. Аммо ўша пайтда бу технологиянинг ҳақиқий мўъжизаси эди. Ва қурилманинг атиги 30 дақиқа ишлагани, 10 соат зарядланганлиги ҳеч кимни безовта қилмасди. Қурилмалар бозорга тушганда, ҳар кимнинг ҳам чўнтаги кўтаролмасди. Ахир унинг нархи 3500 доллардан бошланган эди-да.
