Bulung‘urda daraxtlarga ziyon yetkazgan obodonlashtirish boshqarmasi xodimlari jarimaga tortildi
Bulung‘ur tumani Guliston MFYda yashovchi fuqaro tuman Ekologiya bo‘limiga murojaat qilib daraxtlarga ayovsiz shikast yetkazilayotganini xabar bergan.
O‘rganish davomida haqiqatda ham mazkur mahallaning F.Yo‘ldosh nomli ko‘chasida tuman obodonlashtirish boshqarmasi xodimlari tup o‘sib turgan tut daraxti shoxlarini ruxsatsiz shikastlantirganligi aniqlangan.
Shu bois mas’ullarga nisbatan ma’muriy bayonnoma rasmiylashtirilib, bazaviy hisoblash miqdorining besh barobari, ya’ni 1 mln 500 ming so‘m miqdorida jarima belgilangan, deya xabar bermoqda Ekologiya va atrof-muhitni muhofaza qilish boshqarmasi matbuot xizmati.
