Чехияда йўловчи ва юк ташувчи поездлар тўқнашди (видео)
14 июль куни тунда Прага яқинида йўловчи ва юк ташувчи поездлар тўқнашган ва ўнлаб йўловчи жароҳатланган. Бу ҳақда Associated Press агентлиги хабар берди.
Чехия темир йўл инпекцияси берган маълумотга кўра, ҳалокат Прагадан шарқий ҳудудда жойлашган Чески-Брод станцияси яқинида маҳаллий вақт билан тахминан соат 21:30 (02:30 Тошкент вақти)ларда содир бўлган. Йўловчи ташиш поезди тўхтаб турган юк ташиш поездига келиб урилгани айтилмоқда.
Ҳудудий қутқарув хизмати берган маълумотга кўра, тахминан 60 киши жароҳатланган. Жароҳатланганлар яқин атрофдаги касалхонага етказиб борилган. Ҳалокат оқибатида бир киши вафот этган, 4 нафар йўловчининг аҳволи оғир.
Ҳалокат сабаблари ўрганилмоқда.
