Фарзандини аёвсиз калтаклаган онага чора кўрилади
Ижтимоий тармоқларда бир аёл болачасини аёвсиз калтаклаётгани акс этган видеолавҳа тарқалди. Ушбу ҳолат кенг жамоатчиликнинг муҳокамасига сабаб бўлди.
Ҳолат ҳуқуқни муҳофаза қилувчи органлар ходимлари томонидан ўрганилди.
Аниқланишича, воқеа 14 июнь куни Пайариқ туманида содир бўлган. Туманнинг "Бошқўрғон" маҳалласида 1988 йилда туғилган, руҳий соғлом, турмуш ўртоғи билан истиқомат қилиб келаётган аёл 2020 йилда туғилган фарзандини даволаш учун шифохонада бўлган.
Ҳолат юзасидан Жиноят кодексининг 110-моддаси 2-қисми "а, в" бандлари билан жиноят иши қўзғатилиб, тергов ҳаракатлари олиб борилмоқда.
