Исроф бўлаётган сув ҳақини ким тўлайди?
Инсоннинг кунлик сувга бўлган талаби 2-5 литрни ташкил этади. Сув инсон организмининг барча ҳужайралари учун озуқа ҳисобланади, унинг асосий қисмини сув эгаллайди. Масалан, қонда сув миқдори - 90 фоиз, мияда - 85 фоиз, мушакларда - 75 фоиз, жигарда - 65 фоиз, суякларда - 28 фоиз, ёғ тўқималарида эса 25 фоизни ташкил этади. Организмдаги барча кимёвий реакциялар сув иштирокида бўлади.
Бу бебаҳо неъматни барча сифат жараёнларидан ўтиб, истеъмолчига етказиб бериш ҳам катта харажатни талаб этади. Сувсиз ҳаёт йўқ.
Энди айтинг, йўл бўйларида исроф бўлаётган сувнинг қадрига ким етиши керак? Унинг ҳақини ким тўлайди?
