Kuchli yomg‘ir Gruziyadagi qishloqni suvga cho‘ktirib yuborayozdi

Kuchli yomg‘ir Gruziyadagi bir necha qishloqni suvga cho‘ktirib yuborayozdi, deb xabar qilmoqda RIA Novosti nashri.

Mamlakatda kuchli yomg‘ir yog‘ishi natijasida uch daryo o‘z o‘zanidan chiqib, uylarning yerto‘lasini suvga to‘ldirgan, bog‘lar, uzumzorlarni xarob ahvolga keltirgan.

Qutqaruvchilar tinmay qidiruv-qutqaruv ishlarini olib borishmoqda. Tabiiy ofat natijasida hech kim qurbon bo‘lmagan.