Машҳур тиш пастаси даромадини оширган ва 100 минг долларга тушган учта сўз

Тахминан 50 йил олдин бир киши тиш пастаси ишлаб чиқарувчисига компания даромадини деярли ҳеч қандай харажатсиз 40 фоизга ошириш таклифи билан мурожаат қилади ва бу сирли маслаҳат учун 100 минг доллар талаб қилади.

Катта маблағ тўламоқчи бўлмаган ташкилот раҳбарияти ўз мутахассисларини жалб қилади. Улар ўша одам билган сирни топишлари керак эди. Бироқ, улар ҳеч нарса топа олмагач, ишлаб чиқарувчи чекни имзолашга мажбур бўлди. Бунга жавобан эса учта сўз ёзилган қоғозни олди: "Тешикчани каттароқ қилинг".

Компания дарҳол тиш пастаси елим идиш тешиги диаметрини беш миллиметрдан олти миллиметрга оширади ва сотувлар 40 фоизга ошади. Чунки тиш пастаси тезроқ тугай бошлайди-да.