Андроид қурилмалар учун Zarnews.uz мобил иловаси. Юклаб олиш x

Ноёб сўзаналарни олиб чиқишга бўлган уриниш наф бермади

Вазирлар Маҳкамасининг 1998 йил 23 мартдаги “Ўзбекистон Республикасида маданий бойликларнинг олиб чиқилиши ва олиб кирилиши масалаларини тартибга солиш тўғрисида”ги Қарорида эллик йил муқаддам ва ундан ҳам олдинроқ яратилган маданий бойликлар Ўзбекистон Республикасидан олиб чиқиб кетилмаслиги белгилаб ўтилган.

Чегара божхона постларида хизмат олиб бораётган божхоначилар ушбу қарор ижросини таъминлаш мақсадида маданий бойликларни юртимиздан ноқонуний йўллар билан олиб чиқиб кетилишига қарши уринишларга ўз вақтида чек қўймоқда.

Хусусан, Самарқанд халқаро аэропорти орқали хорижга йўл олган фуқаро К.Д. божхоначилар эътиборини тортди ва унга тегишли бўлган юклар холислар иштирокида кўздан кечирилди.

Натижада К.Д.нинг юклари орасида, йўловчи божхона декларациясида ёзиб кўрсатилмаган 45 дона ноёб сўзана ва 2 дона тарихий либослар борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.

Самарқанд вилояти божхона бошқармаси ахборот хизмати.