Нурободда очилган МЧЖда 15 та янги иш ўрни яратилди
Нуробод туманининг “Жом чашмаси” ММТП ҳудудида жойлашган Сарикўл маҳалласида парранда маҳсулотлари етиштиришга ихтисослашган “Самарқанд диёра люкс” масъулияти чекланган жамият иш бошлади.
Лойиҳа қиймати 13 миллиард сўм бўлган мазкур жамият томонидан бир йилда 96 минг дона парранда гўшти ишлаб чиқарилади. Ҳозирги кунда бу ерда 15 та янги иш ўрни яратилган бўлиб, 15 минг дона жўжалар парваришланмоқда.
“Ўзагроинспекция”нинг вилоят бошқармаси ахборот хизмати хабарига кўра, сифатли парҳезбоп маҳсулотлар етиштириш, паррандаларни ўз вақтида ветеринария кўригидан ўтказиш агроинспекциянинг туман бўлими томонидан назоратга олинган.
